<rdf:RDF xmlns:rdf="http://www.w3.org/1999/02/22-rdf-syntax-ns#" xmlns:dcterms="http://purl.org/dc/terms/">
<rdf:Description rdf:about="https://pelister.org/Omeka/items/show/25">
    <dcterms:title><![CDATA[Св. Недела. Населба од бронзеното време. Асамати]]></dcterms:title>
    <dcterms:description><![CDATA[Св. Недела. Населба од бронзеното време. На околу 500 м северно од селото и 100 м јужно од раскрсницата на патот Макази-Претор се наоѓа блага височинка - тумба, која е доста развлечена од интензивните земјоделски работи. Во нивите на Мефаил Taипи во 1978-80 година е извршено заштитно археолошко ископување при што се откриени остатоци од куќа, градена од дрвена граѓа и кал, од крајот на бронзеното време. Подвижниот археолошки материјал го претставуваат множество керамички садови за секојдневна употреба, со различни димензии и форми, скромно украсени со вдлабнатини од прсти. Најдени се орудија од коска и камен, како и тегови и прешлени од земја. Неколкуте групи од фрагментирани керамички садови асоцираат на грнчарска работилница. Средниот дел на куќата е уништен со вкопувањето на подоцнежен објект, со ѕидови дебели 1 м сувоѕидица, поставени во правец исток-запад, организирани во облик на буквата П. Функцијата и временската припадност на овој објект не можеле да се определат. Наодите се чуваат во Музејската збирка во Ресен.]]></dcterms:description>
    <dcterms:type><![CDATA[археолошки наод]]></dcterms:type>
    <dcterms:spatial><![CDATA[Асамати]]></dcterms:spatial>
    <dcterms:temporal><![CDATA[бронзено време]]></dcterms:temporal>
</rdf:Description></rdf:RDF>