Момата што сакала маж со две чешала

The girl who wanted a husband with two peckers

Некоја мома била од богата куќа и една у мајка и татко. Бидејќи една, момата била разгалена до немајкаде. Се што ќе видела сакала да биде незино. Нејќела никој во селото да има нешто што таа немала. Демек, момата била лика и прилика на батко Ѓорѓија од песните, кој сакал се што е убаво да е негово. Таа била дотолку тамаќар што дури нејќела да се мажи, нејќела да има и таа маж каков што имале други жени. Пуштила момата глас дека ќе се мажи само за момче што не прилега на другите момчиња и велела:

- Јас ќе се мажам само ако најдам момче со две чешала!

Такво момче немало и не се чуло да има некаде. Момата си стојала мома, а нејзините другачки веќе имале деца.

Некое сиромашко момче од едно друго село разбрало за будалестото сакање на момата. Момчето било многу умно и скројало марифет како да ја земе момата и да се куртулиса од сиромаштилако.

Си зело момчето стапо в раце и пошло кај момата. Без многу мрдање, тоа одма и рекло:

- Мори, моме, чув дека си барала таков и таков маж. Јас имам два: еден поголем и еден помал. Момите од моето село не ме сакаат, па ако ме сакаш ти, да се земиме.

- Истина, момче, имаш два? - го прашала момата и се израдувала. - Ако е така, јас сум каил да се земиме.

Момчето било лично и на момата и се бендисало, та набргу се привенчале. По свадбата, кога легнале да спијат заедно, момата видела дека тој има само еден кур.

Се налутила, па го прашала:

- Ти, мажу, ми рече дека имаш два, а јас гледам само еден. Каде ти е другиот? Ме излажа, а?

- Не те излажав, мори невесто. Јас имам два, ама едниот му го дадов на нашио поп назаем.

Будалестата невеста поверувала и се смирила, бидејќи и со едниот вршиле работа.

Поминало баеѓи време и еден ден момчето кинисало по работа некаде и таму останалo повеќе денови. Младата невеста останала сама. Бидејќи не можела веќе без маж, намислила да оди кај лопот да го бара другиот кур од нејзиниот маж. Што наумила - тоа и сторила. Му пошла кај попот.

- Мори невесто, што си се намачила до мене?

- Попе, право ќе ти кажам, ама не лути се. Јас дојдов да ми го вратиш курот што маж ми ти го дал назаем, оти тој не е тука.

Попот веќе знаел каков маж таа барала и се сетил во што е работата. Штом и го видел умот на невестата, и рекол:

- Невесто, немај гајле, што сум зел назаем, чесно го враќам. Со мажа ти таков ни беше и зборот. Ајде, легни, па да ти го вратам.

Си ја свршиле убаво работичката и невестата, саде ќеиф си пошла дома. Вечерта се вратил мажот. Уште од врата жената го подбрала и му подвикнала:

- А бре, мажу, јас те знам итер, ама ти си бил многу будала. Ако веќе на попот си му го дал едниот кур назаем, зошто си му го дал поарниот?!