Расипаното венчање
Се свршил еден дедо за една баба и го викале попо да и венча. Спроти адето рисјанцки и прашал попо дали се сакаат и, откоа му зел зборот оти се сакаат, му рекол на старио:
- А, бе старче, заошто ти е тебе сега жена? Ти си стар веќе, тебе жена не ти треба!
- Вистина, оче свети, жена не ми треба, ами имам за гледање, да ме пери, да ме закрпи, да ми зготви. Ете, затоа ја земам старава.
Коа чула тие зборои бабата од деда, се смуртила и наврекнато на попо му рекла:
- Ја збери си, оче, книгите, и ој си по работата, оти јас со ваков стар не се венчаам ...
Кирил Пенушлиски. Македонски еротски приказни